Monday, August 6, 2007

शब्दांच्या अलिकडले

दिवस तुझे हे....
मुळ गीत - मंगेश पाडगावकर

दिवस तुझे हे फुलायचे
झोपाळ्यावाचून झुलायचे...

----

दिवस तुझे हे फुगायाचे
मोजून मापून जेवायचे ।।धृ।।

माझी तु लाडकी राणी
नको ग खाऊस लोणी
पाण्यात लिंबाला पिळायचे ।।1।।
साजूक तूपाची धार
वाढवी कॅलरी फार
पोटात सॅलड भरायचे ।।2।।
प्रभाती फिराया जाणे
वाटेत धाप लागणे
दमून जरासे टेकायचे ।।3।।
वजन वाढते फार
सोसेना काट्याला भार
कळेना काय ते करायचे।।4।।
आपुल्या घराच्या पाशी
फिर तू गडे जराशी
हालत-चालत रहायचे ।।5।।

-----------------

मूळ गीत - भालजी पेंदाराकार

ऐरणीच्या देवा तुला...

परदेशात नोकरीला जाणारे म्हणतात...
"कॉम्प्युटर'च्या देवा तुला
"बाईट' "बाईट' वाहू दे
डॉलर रुपी माया तुझी
आम्हावरी राहू दे ।।धृ।।

लेणं लेवू "एच वन' (व्हिसा)चं
फ्लाईट धरू स्वीस एअरचं
युनिक्‍स, जावा, ओराकल
"ग्रीनकार्ड' मिरॅकल लवरकरच होऊ दे।।1।।
रिसेशनची पीडा टळो,
"व्हॅली'मध्ये घर मिळो
देशप्रेम माझं वेळोवेळी
महाराष्ट्र मंडळात उतू जाऊ दे ।।2।।

--------------------------------

तू वेडा कुंभार

मूळ कविता - ग। दि. माडगुळकर

फिरत्या चाकावरती देसी मातीला आकार
विठ्ठला तू वेडा कुंभार ।।धृ।।

--

फिरत्या खुर्चीवरती देसी केसाला आकार
नाभिका तू ऐसा हुश्‍शार ।।धृ।।
तेलपाणी, मशीन वस्तरा
तूच मारीशी गरम फवारा
आकारच मग ये डोक्‍याला
तुला स्वतःच्या कलाकृतीची नसे खंत ना हारा ।।1।।
शिराशिरांचे रुप आगळे
र्प्रत्येकाचे भांग वेगळे
तुझ्याविणा ते कोणा न कळे
माथी कुणाच्या नसते पाणी, कुणी तेलकट फार ।।2।।
तूच वळविसी, तूच कापीसी
कुरवाळीसी तू, तूच ओठीसी
आरसे दावून काय साधीसी
घेसी पैसे तरीही लुटसी, रम्य केशसंभार ।।3।।

-----------------------

शब्दांच्या पलिकडले

मूळ कविता - मंगेश पाडगावकर

शब्दावाचून कळले सारे, शब्दांच्या पलिकडले
प्रथम तुला पाहियले आणिक, घडू नये ते घडले ।।धृ।।

----

दातांच्या पलिकडले...
दातांवाचून अडले सारे, दातांच्या पलिकडले,
प्रथम जरासे किडले आणिक पडू नये ते पडले ।।धृ।।
दर्द नवा दातास मिळाला
सूज नवी अन्‌ शूल निराळा
त्या दिवशी तर प्रथमच माझे गाल दोन्ही अवघडले।।1।।
आठवले अवसेच्या रात्री
लक्ष दर्द ठसठसले गात्री
स्थितीत तसल्या, डेन्टिसांचे महत्त्व मज उलगडले ।।2।।

4 comments:

Anonymous said...

Ye kya gadbad ghotala hai bhai...
Tum accha khaasa kavita (mulgi nahi) ka vaat lagaata haio.

Anonymous said...

YA VEDYALA VIDAMBAN MHANJE KAAY TE SANGA RE KUNITARI!

Anonymous said...

va va masha-aalya!

Unknown said...

Mast